សំរាប់អ្នកចូលចិត្តដើរលេងសបភីង Shopping ផ្សារទំនើបអន្តរជាតិព្រីនស៏ Prince Super Market បានបើកស្វាគមន៍ប្រិយមិត្តហើយ

Prince Plaza and Prince Super Market in Phnom Penh City, Cambodia

ភ្នំពេញ៖ ផ្សារទំនើបខ្នាតយក្សថ្មីមួយទៀតហើយក្នុងចំណោមផ្សារទំនើបជាច្រើននៅទីក្រុងភ្នំពេញ សំរាប់អ្នកចូលចិត្តដើរលេងសបភីង Shopping និងភាពសុីវីល័យ សួមអញ្ជើញមកទស្សនាកំសាន្ត និងទិញផលិតផលល្អៗ ប្រេនៗ មកពីគ្រប់ទិសទីរបស់ហាងល្បីៗ ជុំវិញពិភពលោក ផ្សារទំនើបព្រីនស៍ សូភើម៉ាឃីត ស្ថិតក្នុងជាន់ទី៣នៃអគារមជ្ឍមណ្ឌលខុនដូរ Prince Plaza ដែលមានកម្ពស់៣៧ជាន់ ។ ខុនដូនេះមានបន្ទប់សរុបចំនួន១៧៨៦យូនីត ស្មើនឹង១០ម៉ឺនម៉ែត្រការ៉េ នៅតាមបណ្តោយមហាវិថីព្រះនរោត្តម ខាងជើងស្ពានអាកាសក្បាលថ្នល់ ក្បែរក្រសួងមហាផ្ទៃ ស្ថិតនៅក្នុងសង្កាត់ទន្លេបាសាក់ ខ័ណ្ឌចំការមកក្រុងភ្នំពេញ។ ផ្សារទំនើបនេះមានការប្រមូលសិនពិសេសៗលើទំនិញប្រមាណជាង៧២០០០ មុខទំនិញ ដែលស្ថិតនៅជាន់ទី៣នៃផ្សារទំនើបព្រីនស៏ផងដែរ។ ផ្សារទំនើបអន្តរជាតិមួយនេះត្រូវបានធ្វើពិធីបើកសម្ភោធជាផ្លូវការនាព្រឹកថ្ងៃទី២៨ មិថុនា២០១៨ នេះ ដែលមានឈ្មោះថាផ្សារទំនើបព្រីនស៍សូភើម៉ាឃីត (ខេមបូឌា)នឹងជាក្លាយជាទីតាំងសម្រាប់ចែកចាយ និងផ្គត់ផ្គង់ទំនិញសំខាន់ៗ ដល់ពលរដ្ឋដែលរស់នៅក្នុងរាជធានីភ្នំពេញ ខណៈកម្រិតជីវភាពរបស់ប្រជាពលរដ្ឋរស់នៅក្នុងទីក្រុងនេះ កាន់តែមានភាព ល្អប្រសើរឡើងជារាល់ឆ្នាំ។ ផ្សារទំនើបនេះមានប្រមូលផ្តុំទៅដោយ ផលិតផលប្រកបដោយគុណភាព និងតម្លៃ សមរម្យ ហើយប្រកាន់ភ្ជាប់នូវគោលការណ៍រួមចំនួន៤យ៉ាងគឺ សេវាកម្ម ផលិតផល តម្លៃ និងភាពស្រ ស់នៃទំនិញ ផ្សារទំនើបនេះផ្តោតលើអតិថិជនគោលដៅ ដែលជាប្រជាជនកម្ពុជាដែលមានជីវភាពមធ្យម អាចទិញទំនិញប្រកបដោយគុណភាពខ្ពស់។ គម្រោងអគារមជ្ឍមណ្ឌលខុនដូរ Prince Plaza មួយនេះចាប់សាងសង់តាំងពីដើមខែសីហា ក្នុងឆ្នាំ២០១៥ មកម្លេះការកើនឡើងនៃផ្សារទំនើបទាំងអស់នេះបានឆ្លុះបញ្ចាំងពីការរីកចំរើនសេដ្ឋកិច្ចជាតិ ការវិនិយោគនៅកម្ពុជា ពិសេសកំណើនប្រាក់ចំណូលរបស់ប្រជាពលរដ្ឋបានមានការកើនឡើងនៅក្នុងសង្គម៕